പൊന്നോട് പൂവായ് ശംഖോട് നീരായ്

ചിത്രം:തല്‍സമയം ഒരു പെണ്‍കുട്ടി
സംഗീതം :ശരത്‌
രചന :ബി ആര്‍ പ്രസാദ്‌
ആലാപനം:കെ എസ്‌ ചിത്ര

പൊന്നോട് പൂവായ് ശംഖോട് നീരായ്
വണ്ടോട് തേനായ് നെഞ്ചോട്‌ നേരായ്
വന്നൂ നീ ....
കളഭമഴ തോരാതെ
കുളിരണിയുമെന്നില്‍ തൊട്ടു സൂര്യന്‍ രോമാഞ്ചം
കണ്ണേ കണ്ണേ .....
(പൊന്നോട് )

എന്‍ ചില്ല തന്നില്‍
പൊഴിയാതിനി പൊഴിയാതെ നീ പുഷ്പമേ
കൈക്കുമ്പിളില്‍ നി-
ന്നൊഴിയാതിനിയൊഴിയാതെ നീ തീര്‍ത്ഥമേ
നീ ശ്വസിക്കും ശ്വാസം ഞാനായ്
പ്രാണനുള്ളില്‍ കൂടും തരാം
നീ നടക്കും നീളെ വഴി
പൂക്കൊടിയായ് തൂങ്ങാമിവള്‍
വെണ്ണ പോലെ എന്നെ കയ്യില്‍ തന്നീടാം
കണ്ണേ കണ്ണേ ...
(പൊന്നോട് )

എന്നെന്നുമെന്നെ
പിരിയാതിനി പിരിയാതെ നീ സ്വന്തമേ
കണ്ണോരമെന്നും
മറയാതിനി മറയാതെ നീ വര്‍ണ്ണമേ
നീ നനയ്ക്കും തോപ്പില്‍ ഞാനാം
മോഹമുല്ല പൂവായിടാം
ജീവനില്‍ ഞാന്‍ കോരാമിളം
ആമ്പലിലീ സ്നേഹാമൃതം
നിത്യമായി മുന്നില്‍ ചേരാം മണ്ണില്‍ ഞാന്‍
കണ്ണേ കണ്ണേ.....
(പൊന്നോട് )

About hitmalayalamsong

Hitmalayalamsong.com is a promotional purpose website; it contains Malayalam movie songs lyrics in English and Malayalam language. All posted lyrics you tube video links also available. Hitmalayalamsong.com is not publishing any copy right contents, the basic intention for this site is to promote the new generation singers who need the song lyrics to learn and present the songs in front of public audiences